Es bizeli öppis öber de Beni

 

Esch na schwerig öppis seriöses öber de Beni alias de Decki d’schriebe :D

Öppe s’erste woni vo ihm ghört han, er esch SC Bern Fan ond do hani scho denkt, das got doch ned!

Denn het er als Bueb öppe mal chli wiblichi Chleider agha, wie ich uf Fotis gseh han.

Ha scho denkt was het do mini Schwöster för eine agschleppt!

Aber i mues säge mis Schwösterli het do kei schlechti Wahl troffe met em Beni ;)

 

So jetzt mol es bizeli ernster J

Am Afang vo de Beziehig vom Beni ond de Steffi, weisi na guet, het mer de Beni amigs nor chorz gseh vom Igang is Zimmer husche ond jetzt es paar Jöhrli spöter esch er gar nömme wegzdenke us de Familie. J

I wör scho fasch säge er esch för mich au sochli öppis wie en grosse Brüeder. Mer verstönd eus sehr guet, händs eigentlech immer lostig zäme ond hend au öppe en Gmeinsamkeit: Ob das NHL game esch (wo er zemlich kei Chance het), Beachvolleyballspiele, Squashe oder en sehr grossi Gmeinsamkeit wo mer hend ESSE ;)

De Beni esch eifach en rond om guete Typ (geile Siech), er esch för jede Spass ds‘ ha, hilft immer wenn mer ihn frogt (wens öppis ds’ässe geht) ond i glaube er werd au en super Ehepartner för d’Steffi.

 

I fende de Beni esch de perfekti Ehepartner för mini „grossi“ Schwöster!! Sie harmoniere super zäme, hend viel gmeinsam wie: Reise, Sport, Reise, Icehockey (au wenn ned ganz s’gliche Fan), beidi send Familiemensche ond hani Reise scho erwähnt?! ;)

I denke eine vo de wichtigste Pönkt, wieso das die Beziehig so guet funktioniert esch, dass de Beni eher en ruhigi Person esch ond das passt perfekt zo de bestimmte ond starche Persönlichkeit vo de Frau (no) Bünzli J   

 

Zom Abschluss möcht ich mech nomol bem Beni bedanke för die grossi Ehr, dass ich eine vo sini Trauzüge döff si, Mersi viel Mal!!

 

 

Remo Bünzli